«Самға»  қолдау орталығы мамандарының қатысуымен өткен «Адамгершілік-жыныстық тәрбие және репродуктивті денсаулықты қорғау» атты ақпараттық-түсіндіру жұмысы туралы

Қатысушылар: 8-10 сынып оқушылары, «Самға» орталығының мамандары, мектеп психологы, медбике.

Мақсаты:

Жасөспірімдердің репродуктивті денсаулығын қорғау және ерте жүктіліктің алдын алу;

Оқушылардың бойында адамгершілік-жыныстық мәдениетті қалыптастыру;

Жыныстық қолсұғылмаушылық және жеке қауіпсіздік ережелерін түсіндіру.

Барысы:Іс-шара барысында «Самға» орталығының мамандары оқушылармен ашық сұхбат жүргізді. Мамандар тарапынан келесі мәселелер қозғалды:

Физиологиялық даму: Жасөспірім шақтағы ағзаның өзгеруі және гигиеналық талаптар.

Психологиялық дайындық: Болашақ ересек отбасылық өмірге біртіндеп дайындық және жыныстық мінез-құлық нормаларын сақтау.

Мамандар оқушыларға жағымсыз салдарлардың (ерте жүктілік, инфекциялық аурулар, психологиялық соққы) алдын алу жолдарын нақты мысалдармен түсіндіріп, оқушылардың сұрақтарына жауап берді.

Нәтиже:Оқушылар өз денсаулығына жауапкершілікпен қараудың маңыздылығын түсініп, құқықтық және медициналық сауаттылықтарын арттырды. Шара соңында «Самға» орталығының ақпараттық парақшалары таратылды.

Директордың тәрбие ісі жөніндегі орынбасары :                     С.Қоржықбаева